MOVIMENTU KONTRA OKUPASAUN TASI TIMOR (MKOTT)
Díli, 17 Septembro 2018
Deklarasaun Públiku Konaba Akuzasaun Hasoru Kompanhero "Witness K" no Bernard Collaery husi Governu Australia
Deklarasaun Publiko ida ne’e MKOTT organiza relasiona ho loron julgamentu ba Timor-Leste nian Amigo Bot Nain Rua; Kompanhero da Luta Bernard Collaery ho Witness K, ne’ebe loron 12 fulan Septembro ba atende julgamentu iha Tribunal Canberra, Australia. Ita nian belun nain rua ne’e hetan akuzasaun tanba fo sai ba publiko kona ba Australia espionajen hodi monta aparelu iha Palacio do Governu Timor-Leste nian no akapta engkontru estratejiku Governu Timor-Leste nian sobre negosiasaun Fronteira Maritima iha tinan 2004 nian laran.
Ohin liu husi Asinatura Rihun Ida Atus Tolu Resin ne’ebe mak konsege asina iha Spanduk Mutin ho Metro Sanulu (10 Meter) Rihun Ida Resin ne ami bele dehan katak representa ona Povu Timor-Leste nian Solidariadade ba Kompanhero Bernard Collaery ho Witness K, mensagem solidariade ne’e, fo hanoin fali istoria ne’ebe ami nian Avo konta mai ami, ne’ebe deskreve povu Timor liu Rihun Nen Nulu mak mate hodi defende sira nian Amigo Combatente Tropa Forca Australiano Sira ne’ebe mak mate iha Segundu Guera Mundial iha tinan 1942-1945.
Hodi hanoin hikas heroi sira ne’ebe mate iha funu Segundu Guera Mundial;
1. MKOTT kondena maka'as akuzasaun hasoru Kompanhero Bernard Collaery ho Witness K, akuzasaun ne’e hanesan mos Moe Bot ida nebe’e hatudu husi Nasaun ne’ebe kunyesidu promove liberdade da espresaun no mos demokrasia. MKOTT Sente triste ba nasaun bot hanesan Australia ne’ebe kontinua han matak ba ninian vizinho sira. MKOTT hare’e liu husi akuzasaun ida ne’e governu Australia iha planu atu halo tauk ema barak mak hakarak deskobre governu Australia nian atetude ladiak hasoru ninian nasaun vizinho sira.
2. MKOTT husu ba Tribunal Australia nian atu Hapara Akuzasaun hasoru Kompanhero Bernard Collaery ho kliente Witness K, tanba tuir lolos tribunal tenke salva guarda Sasin Sira no halo kondenasaun hasoru hahalok espionajen, laos kontrario fali.
3. MKOTT apoiu maka’s ba inisiativu husi Sr. Andrew Wilkie MP, Senadór Nick McKim, Senadór Rex Patrick no Senadór Tim Storer membru Parlementu Australia nian ne’ebe hakarak loke fali investigasaun ba iha kazu espionajen mak halo husi ASIO.
4. MKOTT hakarak propoin ba Prokurador Jeral Federal Australia nian atu loke investigasaun ba eis Ministro Estranjeiro Sr. Alexander Downer ne’ebe mak agora dadaun ne tur hanesan kuadru konsellu Kompania Woodside nian, ho razaun iha Alexander Downer nian mandatu hamutuk ho eis Primeiro Ministro John Howard mak kazu espionazen refere akontese.
5. MKOTT sei nafatin mobiliza asinatura husi povu Timor-Leste hotu atu kontinua fo ami nian solidariade ba Kompanhero da Luta Bernard Collaery ho Witness K, no ami sei apresenta Asinatura hirak ne iha loron julgamentu tuir mai iha loron 28 de Outubro 2018. Ami Sei nafatin kontinua hodi fo suporta ate tribunal hapara akuzasaun hasoru belun nain rua ne.
Viva Companhero Bernard Collaery..!!
Viva Companhero Witness K..!!
Viva Povu Maubere..!!
Viva MKOTT..!!
Díli, 17 Septembro 2018
Deklarasaun Públiku Konaba Akuzasaun Hasoru Kompanhero "Witness K" no Bernard Collaery husi Governu Australia
Deklarasaun Publiko ida ne’e MKOTT organiza relasiona ho loron julgamentu ba Timor-Leste nian Amigo Bot Nain Rua; Kompanhero da Luta Bernard Collaery ho Witness K, ne’ebe loron 12 fulan Septembro ba atende julgamentu iha Tribunal Canberra, Australia. Ita nian belun nain rua ne’e hetan akuzasaun tanba fo sai ba publiko kona ba Australia espionajen hodi monta aparelu iha Palacio do Governu Timor-Leste nian no akapta engkontru estratejiku Governu Timor-Leste nian sobre negosiasaun Fronteira Maritima iha tinan 2004 nian laran.
Ohin liu husi Asinatura Rihun Ida Atus Tolu Resin ne’ebe mak konsege asina iha Spanduk Mutin ho Metro Sanulu (10 Meter) Rihun Ida Resin ne ami bele dehan katak representa ona Povu Timor-Leste nian Solidariadade ba Kompanhero Bernard Collaery ho Witness K, mensagem solidariade ne’e, fo hanoin fali istoria ne’ebe ami nian Avo konta mai ami, ne’ebe deskreve povu Timor liu Rihun Nen Nulu mak mate hodi defende sira nian Amigo Combatente Tropa Forca Australiano Sira ne’ebe mak mate iha Segundu Guera Mundial iha tinan 1942-1945.
Hodi hanoin hikas heroi sira ne’ebe mate iha funu Segundu Guera Mundial;
1. MKOTT kondena maka'as akuzasaun hasoru Kompanhero Bernard Collaery ho Witness K, akuzasaun ne’e hanesan mos Moe Bot ida nebe’e hatudu husi Nasaun ne’ebe kunyesidu promove liberdade da espresaun no mos demokrasia. MKOTT Sente triste ba nasaun bot hanesan Australia ne’ebe kontinua han matak ba ninian vizinho sira. MKOTT hare’e liu husi akuzasaun ida ne’e governu Australia iha planu atu halo tauk ema barak mak hakarak deskobre governu Australia nian atetude ladiak hasoru ninian nasaun vizinho sira.
2. MKOTT husu ba Tribunal Australia nian atu Hapara Akuzasaun hasoru Kompanhero Bernard Collaery ho kliente Witness K, tanba tuir lolos tribunal tenke salva guarda Sasin Sira no halo kondenasaun hasoru hahalok espionajen, laos kontrario fali.
3. MKOTT apoiu maka’s ba inisiativu husi Sr. Andrew Wilkie MP, Senadór Nick McKim, Senadór Rex Patrick no Senadór Tim Storer membru Parlementu Australia nian ne’ebe hakarak loke fali investigasaun ba iha kazu espionajen mak halo husi ASIO.
4. MKOTT hakarak propoin ba Prokurador Jeral Federal Australia nian atu loke investigasaun ba eis Ministro Estranjeiro Sr. Alexander Downer ne’ebe mak agora dadaun ne tur hanesan kuadru konsellu Kompania Woodside nian, ho razaun iha Alexander Downer nian mandatu hamutuk ho eis Primeiro Ministro John Howard mak kazu espionazen refere akontese.
5. MKOTT sei nafatin mobiliza asinatura husi povu Timor-Leste hotu atu kontinua fo ami nian solidariade ba Kompanhero da Luta Bernard Collaery ho Witness K, no ami sei apresenta Asinatura hirak ne iha loron julgamentu tuir mai iha loron 28 de Outubro 2018. Ami Sei nafatin kontinua hodi fo suporta ate tribunal hapara akuzasaun hasoru belun nain rua ne.
Viva Companhero Bernard Collaery..!!
Viva Companhero Witness K..!!
Viva Povu Maubere..!!
Viva MKOTT..!!
