Shirley Shackleton, moris iha Adelaide, South Australia iha tinan 1931 kaben ho Greg Shackleton iha tinan 1966, no iha oan mane ida ho naran Evan Shackleton.
Depois akontesmentu massacre Balibo, Shirley Shackleton lakon ninian kaben Greg ne’ebé halao knar hanesan jornalista chanel 7 hodi mai halo kobertura ba invasaun Indonesia iha Timor iha tinan 1975. Akontesementu ne’e kunesidu ho Masacre Balibo five, ne’ebé hamate jornalista nain 5 husi Australia no Nova Zelandia. Hanesan feto faluk husi akontesementu Balibo five, Mana Shirley kontinua buka lia los no luta kontra impunidade. Iha tempu naruk nian laran hodi luta buka lia los, Shirley Shackleton hakerek mos livro ida ho titulu “The Circle of Silence” ne’ebé publika iha tinan 2010.
Iha tinan 1989 wainhira Amu Papa Joao Paulo II halo vizita mai Timor, Shirley Shackleton mos marka prezensa iha Tasi tolu hodi konfronta direitamente Eis Jeneral Benny Moerdani no husu tuir kona ba ninian laen ne’ebé mate iha Balibo. Mana Shirley mos involve iha protestu wainhira ro’o Lusitania planu atu halao vizita mai Timor iha tinan 1992, (Alcock, H, A., 2023).
Mana Shirley nian kontribuisaun apoiu mai luta Timor nian laos deit husi uluk, maibe kontinua ate tempo ida agora wainhira Timor-Leste kontra governu Australia iha prosesu deside linha fronteira maritima. Momentum ikus liu mak iha tinan 2019, wainhira Mana Shirley Hamutuk ho Movementu Kontra Okupasaun Tasi Timor hodi kontra desizaun governu Australia ne’ebé hatama Bernard Collaery no Withness K ba prizaun. Iha loron 30 fulan Agostu 2019 asaun ne’ebé organizadu husi MKOTT, iha situasaun apertadu Mana Shirley prontu entrega petisaun husi MKOTT ho asinatura rihun 5 resin ba iha Primeiru Ministro Australia, Scott Morrison iha edifisiu ministeriu das financas, aitarak laran.
Maktoban husik hela mundo ne’e iha loron 15 de Janeiru 2023 ho idade (91) anos. Boa viagem e lao ho maromak Mana Shirley!!
Depois akontesmentu massacre Balibo, Shirley Shackleton lakon ninian kaben Greg ne’ebé halao knar hanesan jornalista chanel 7 hodi mai halo kobertura ba invasaun Indonesia iha Timor iha tinan 1975. Akontesementu ne’e kunesidu ho Masacre Balibo five, ne’ebé hamate jornalista nain 5 husi Australia no Nova Zelandia. Hanesan feto faluk husi akontesementu Balibo five, Mana Shirley kontinua buka lia los no luta kontra impunidade. Iha tempu naruk nian laran hodi luta buka lia los, Shirley Shackleton hakerek mos livro ida ho titulu “The Circle of Silence” ne’ebé publika iha tinan 2010.
Iha tinan 1989 wainhira Amu Papa Joao Paulo II halo vizita mai Timor, Shirley Shackleton mos marka prezensa iha Tasi tolu hodi konfronta direitamente Eis Jeneral Benny Moerdani no husu tuir kona ba ninian laen ne’ebé mate iha Balibo. Mana Shirley mos involve iha protestu wainhira ro’o Lusitania planu atu halao vizita mai Timor iha tinan 1992, (Alcock, H, A., 2023).
Mana Shirley nian kontribuisaun apoiu mai luta Timor nian laos deit husi uluk, maibe kontinua ate tempo ida agora wainhira Timor-Leste kontra governu Australia iha prosesu deside linha fronteira maritima. Momentum ikus liu mak iha tinan 2019, wainhira Mana Shirley Hamutuk ho Movementu Kontra Okupasaun Tasi Timor hodi kontra desizaun governu Australia ne’ebé hatama Bernard Collaery no Withness K ba prizaun. Iha loron 30 fulan Agostu 2019 asaun ne’ebé organizadu husi MKOTT, iha situasaun apertadu Mana Shirley prontu entrega petisaun husi MKOTT ho asinatura rihun 5 resin ba iha Primeiru Ministro Australia, Scott Morrison iha edifisiu ministeriu das financas, aitarak laran.
Maktoban husik hela mundo ne’e iha loron 15 de Janeiru 2023 ho idade (91) anos. Boa viagem e lao ho maromak Mana Shirley!!
